KURDINFO (FORUMA AZAD Mustafa Kalpak)

Mustafa Kalpak / kalpak@spray.se

Arşiv

Hin nêrîn, pirs û pêşniyar ji bo Civîna Tradîsyona Demokratên Şoreşger

Tiştên ku me îro haniye ba hev aîdîyeta PDK-T/ KIP/DDKD ye. Programeke sîyasî, destûreke rêxistinî, îdolîjîyeke tevayî, programa aksîyoneke mobîlîzekirinê ye, ne ku nîşandayîn ji bo sadikbûnîya serokek an serokatiyekî ye.

Em di asansorêkê de ne û hildikşin jor em ê di kîjan qatê de derên an heta kîjan qatê hilkişin ne kifş e .

Civîna Awrupa û civîna 2-3 Îlonê li welat li gor bangê dicive û hê ”civînên bên ba hev” hene. Civîna Awrupa biryara berdewama ” civînên muşterek ” girtîye. Îhtîmala mezin civîna 2-3 îlonê jî dê di vê warê de biryarekê bistîne, heye. Netice wiha be ev prosesa ku em tê de ne bi naveke din û bi şiklekî din dê bê berdiwam kirin û wê têkeve merheleke din.

Piştî civîna Welat êdî em dikevin merheleke nû. Merhela Bangê, bi tabbiî dawî lê tê. Ji vir şûn de ” aîdîyet û tradîsyon ” tenê wê qîm neke ku me bîne ba hev. Xalên ku di eslê xwe de me bîne ba hev, wê ji vir şûnde dest pê bike.

Hevcadarîya şopandina pêvajoyan heye. Xeter e ku pêvajoyek xelas nebe dest bi pevajoyeka din bike. Hewcedarîya têgihîştin û nirxandina pirsên pêvajoyan û merhelan hene. Divê ser pêvajoyan û merhelan baş bê sekinandin û mineqeşekirin. Helbet ev pirs wê platformên herêman de li ser dûr û dirêj bê sekinandin. Civînên mezin yê îrada giştî, zêdetirîn wê li ser pirsan xwedî biryar be. Lê, beriya her tiştî hewcedarîya tespîtkirina û destnîşankirina pirsan heye. Rojên pêş, dê wê li ser vana bê sekinandin.

Ji vir şûn de selahîyetên Demokratên Şoreşger yê heremî dest pê dike. Herêm desthildar dibin. Bingeha xwe birêxistin kirin, mafên ku bibin xwedî şexsîyeta destûrî –hiqûqî- derdikeve pêş. Merhela qarekterê kolektîvî dertê holê. Şûna beşdarîya civînan de, dewra endametî tê. Temsîlatîya nûnertî dest pê dike. ( Di vî merhelê de metodên Demokrasîya dîrekt û ya temsîlî paralel tê meşandin) Prosesa ”civînên bên ba hev” ji ber bi jêr ve ber bi jor de hildikşe.

Xwe bi rêxistinkirin wext dixwaze. Mirov divê bîn fireh be.Li ser çi esasî xwe bi rêxistinkirin hîn nezelal e.( Organîzeke serbixwe, ji nûve an nû. Organîzeke hevbeş, ji bo yekitîya niştîmanî). Helbet wê li ser van pirsan jî wê bê sekinandin.

Hêvî dikim civîna Diyarbekirê xwe nexe merkeza biryarên sîyasî û biryarên giran nestîne. Civîn helwesta xwe nexe şûna îrada giştî û xetên giştî tayîn neke. Biryarên ku tê sendin civînê di pratîkê de ber bi hêzeke akamdar ve -”pratikte etkin bir güç olma” – biherikîne û mobîlîze bike hîn maqûl e.

Civîna ” DDKDlîyên li Awrupayê ” daxûyanîyek bi navê Civata Demokratên Şoreşger a Kurdên li Awrupayê weşand. Di daxûyanî de hin tespîtên sîyasî hene.

” Xebata me ya ku xwedîyê mîrasa PDK-T (Partî Demokrata Kurdistan li Tirkiyeyê) ye ku di bin pêşengîya Dr. Şiv an de hatibû damezrandine, dom dike” hatîye nivîsand. Ev tespît ne li gor dilê min jî be ji bo min ne astenge ku ez di nav vê hewildanê de cîhê xwe nestînim. Ev tespît ne pirsek beçareserîyê ye .

Lê problemeke derdixîne li pêş me . Divê çareser be.

Problem çîye?

1- Ev tespît di gotin û kiryaran de bêahengî çê dike. Ji alîyekî de em dibêjin “ hatina me ya ba hev ” ne reorganîze ye” (bê ku li ser bê fikirandin ev rê ji alî hin kesan ve hatîye redkirin) û ji alîyê din de tespîta li jor û navê Demokratên Şoreşger bi kar anîn, sergêjîyek derdixîne. Li gor dîtina min ev tespît zû hatîye kirin. Ev tespît, bi zelalbûna birêxistinbûyîneke çawa ve girêdayî ye. Em hê ne girup in û ne jî xwedî rêxistinekî ne. Me hêj biryara xwe bi giştî nedaye ka em rêxistineke bin an na?

2- Civîna Tradîsyona Demokratên Şoreşger jî li welat, xebat û hevildanên xwe bi tradîsyona PDK-T û Dr Şivanî re girê bidin û bêjin: ” Ev xebata me hîn dom dike” wê gavê bingeha rêya avakirina xebata xwebirêxistinkirina reorganîze vedibe. Dosyên PDK-T /KIP/DDKDê ji nûve vedibe ( ji xwe qet venebûye) û ji nûve li ser tê nirxandin û şîrovekirin. ( Ev karê komisyonan e )

Tespîtên polîtîk wek ” tevgereka vekirî û pirdengî, mafê çarenûsî, reya aşitî ” heye di daxûyana Avrupayê de. Ev ne bêje ne; nêrîn in, dîtin in.Hevcedarî navaroka wan bê dagirtin û bê zelalkirin, biryar li ser bê girtin heye. Prosesa pêşîya me de hevcedarîya li ser van xalan û hin xalên din bê sekinandin heye.

Asansora ku pê em hildikşin jor, bê keza û bela di rêya xwe de biherike, elbet wê pêvajoyên pêş de li ser pirsên girîng wek: a) Programa sîyasî/armanc û hedef b)Destûra rêxistinîyê/disiplin, hiquqa rêxistinîyê, modela rêxistinîyê c) Mobîlîzasyona tevgerî /metodên tekoşînê ç) Serok, serokatîyê d) Îdolojî e) Aborî jî bêsekinandine.

Ji niha de herêm li ser xalên girîng bisekinin û hin xalan ba xwe zelal bikin an ber bi zelalî ve biçin wê karê Civina Mezin ya Giştî hêsantir bike. Biryarên girêdayîn, di civîna hevbeş ya giştî de tê girtin.

Bê guman, Civîna Tradîsyona Demokratên Şoreşger xwedî hîn mafan e ku li ser wan biryara bistîne heye. Biryar jî zêdetirîn li ser warê birêvebirinê û pirsên teknîkî ye. Li ser tespîtên sîyasî yên standart û daxwazên standart de xwedî mafe ku wan destnîşan bike.

Gelo navê Demokratên Kurd an Civata Demokratên Kurd hîn ne minasibe di şûna Tradîsyona Demokratên Şoreşger da bê bi kar anîn? Bi navê tevayî re girêdayî, navê herêm jî bê bikaranîn (yöre adı ile anılmak) wê baştirîn nebe gelo?. Wek nimûne: Demokratên Kurd li Diyarbekir an Civata Demokratên Kurd li Diyarbekir, Wan, Mêrdin û hwd.

Civîn, her bajarî wek herêmek kane binirxîne û nûnerên Komîta Birevebirina Civîna Mezin li Welat ji herêman hilbijêre û têxe dangdanê. Heman vextê de ev Komîte wek Komîta Ravêj ya Welat (seçim Kurulu) jî kane bê qebûl kirin. Civîn, kane desturê bide ji bo rojên pêş ev komîte kanibe nûnerên komîsyona kifş bike .( Ji bo vê yekê, komîte ji herêman navên minasip kane daxwaz bike û demek şûnde ev navana pêşkêşê Civîna Mezin bike . Komîta Awrupayê, wezîfa Komîta Rawêj jî li Awrupayê kane bimeşîne)

Civîn, destûra amedekirina civînên mezin, tespîtkirina cîh, tarîx û rojevê dikane bide Komîta Birêvebirina Civîna Mezin. Komîta Birêvebirina Civîna Welat û ya Avrupa bi hev re karin Komîteyeke Kordînasyonî çêkin. Civîn, kane destûr bide Komîta welat bi Komîta Avrupayê re li ser van xalên jor koordînasyoneke çêbike.

Civîn kane destur bide herêma ku xwedî selehîyet bin û wan deshildar bike ku her herêm kanibin birêvebirên xwe hilbijêrîn, destûra navxweyî ya civînên xwe amade bikin, endamên xwe tespît bikin û fondan (pere civandin) vekin.

Civîn, bo daxuyanîya civînê, Komîsyona Daxûyanîya Civînê hildibjê û daxûyanê dixe dengdanê.

Ji civînê re serketin û serfirazî daxwaz dikim

Mustafa Kalpak

Beşdarê Civata Demokratên Şoreşger a Kurdên li Swêdê

01/09/2006